網紅的藏寶箱以前啲走私船邊有咁猖狂，最多夜晚出嚟偷偷摸摸，但而家就係因為香港警方嘅無能，面對大飛而坐視不理，令到呢班走私幫有恃無恐，光天化日之下大曬冷，大張旗鼓，目無法紀，目中無人，明剃眼眉。
正正就係因為香港警方不作為，搞到班歹徒咁惡；正正因為大飛咁惡，搞到同袍手足墮海喪命。養大個女真係唔容易，本來人哋大好前途，而家陳屍海中，你話呢種痛，又有幾多人能明白？
如果鄧局同蕭處一早肯認真做嘢，人哋個女都唔駛死啦。無咗個女，點賠畀人呀？
而家網上真係群情洶湧，好多網民都自發公開悼念墮海遇難者。
不過按鄧局同蕭處嘅做事方式，我真係驚佢哋不知會否又賴啲外國勢力，話有人借墮海事件，公然批評香港警方無能。